సత్య సంగతులు

 పుర్పుర్రెకో బుద్ధి జిహ్వకో రుచి అంటారు, శాఖాహారులైతే పులిహోర ,మువ్వవంకాయ, అని కారాలు మిరియాలు నూరుమంటారు. మాంసాహారులైతే గుడ్డు నుంచి మొదలుపెట్టి రకరకాలు చవిచూస్తారు, చేపలంటే మరికొందరికి మహా ప్రీతి అందులోకి జూలై నెల మొదలైంది అంటే సెప్టెంబర్ వరకు ఈ పులస విశేషాలు ఉంటాయి, పులస గురించి ప్రసిద్ధ సామెతలు కూడా ఉన్నాయి, ఇల్లు తాకట్టు పెట్టి పేకాటడం చూసాం కానీ పెంకుటిల్లు అమ్మిఅయినా తినమంటారు ,కొందరు, చివరికి పుస్తులమైన పులస తినాలంటారు మరికొందరు, రుచికి దాసోహం అయిపోతారు, పులస  సాధారణంగా జూలై సెప్టెంబర్ నెలలో గోదావరి వరదలు వచ్చే వర్షాకాలంలో ఈ చేపలు సముద్రం నుండి నదిలోకి ఎదురుగా వస్తాయి ,ఎర్రటి వరద నీటిలో ఎగబడి ప్రయాణించడం వల్ల వీటి ప్రత్యేకమైన రుచి వస్తుంది. ఈ చేప ధర డిమాండ్ బట్టి కేజీ 2000 నుంచి 20000 వరకు పలుకుతుంది, పులస రుచిలో కాదు మంచి పోషక విలువలకు కూడా కలిగి ఆరోగ్యాన్ని మెరుగుపరుస్తాయి అంటారు, ధవలేశ్వరం బ్యారేజీ, పొట్టిలంక ,గన్నవరం, బోడసముద్రం ,యానం, రబ్బనపల్లి కోడితీవ గ్రామం లో దొరికేవి మంచి డిమాండ్ అంటారు.

 మనం పెరిగే గ్రామీణ ప్రాంతాల్లో అనేక ఔషధ గుణాలు నగల ఆకు కూరలు మొక్కలు ఉన్నాయి, వాటిని సక్రమంగా ఉపయోగిస్తే ప్రయోజనాలు ఉంటాయి. అయితే అలాంటి మొక్కే ఒకటి కలబంద దీనిని మన ఇళ్లలో కుండీలలో పెంచుకోవచ్చు దీనిని ఆలోవేరా అంటారు, ఇందులో అద్భుతమైన ఆరోగ్య గుణాలే కాక ఇంటి దిష్టి పోగొట్టడానికి కూడా ఇంటి గుమ్మం ముందు ఉంచడం కానీ కట్టడం గాని చేస్తారు మొక్క కొద్ది నీటితో బతికేస్తుంది ,కుండీలలో పెంచితే అలంకరణంగా కూడా కనిపిస్తుంది ,ఔషధ గుణాలు పరిశీలిస్తే బరువు తగ్గడానికి మలబద్ధకం పోగొట్టడానికి, రోగ నిరోధక శక్తి పెంపుకు, కంటి ఆరోగ్యానికి, చర్మ సౌందర్యానికి, జుట్టు చుండ్రు వదిలించడానికి ,గాయాలు తగ్గుదలకు, హానికర రోగాలు రాకుండా కాపాడే గుణాలు ఉన్నాయి, ఏ మొక్కలోనైనా మంచి చెడులు ఉన్నట్లే మంచి గుణాలు ఎక్కువ గా ఉన్నా, కొన్ని సార్లు శరీర పరిస్థితిని బట్టి మనం తీసుకునే విధాన లోపాలు బట్టి కలిగే నష్టాలు కూడా ఉంటాయి, అవి దృష్టిలో పెట్టుకొని తీసుకోవాలి, పడకపోతే కడుపునొప్పి, విరోచనాలు వస్తాయి, గర్భిణీ స్త్రీలకు మంచిది కాదంటారు దీర్ఘకాల కాలేయ మూత్రపిండా సమస్యలు ఉండేవారు, వైద్యులు సలహా తీసుకొని వాడుకోవాలి.

సమాజంలో విభిన్న అంశాలపై సేకరించినవి నా ఆలోచనతో కలిసినవి ఆధ్యాత్మికమైనవి టూరిజం సంబంధించినవి పాత గత సంగతులు వినోదాన్ని పంచేవి విజ్ఞానాన్ని పంచేవి మీ అందించడానికి ఈ బ్లాక్ ద్వారా ప్రయత్నిస్తున్నాను. దయచేసి ఆదరిస్తారని ఆశతో మీ ముందుకు మంచి మంచి విశేషాలతో వస్తాను. నమస్తే.